ТАРКИБИ

1 пакетча сақлайди:

парацетамол 500 мг,

фенилэфрин гидрохлориди 10 мг,

фенирамин малеати 20 мг,

аскорбин кислотаси 50 мг.

ҚЎЛЛАНИЛИШИ

Тана ҳароратини ошиши, зирқираш, мушак-бўғимда, бош оғриғи, бурун битиши, ринит билан кечувчи ўткир респиратор ва гриппни симптоматик даволаш учун қўлланади.

ҚЎЛЛАШ УСУЛИ ВА ДОЗАЛАРИ

Катталар ва 14 ёшдан ошган болалар

Бир марталик доза (1 пакетча) заруратга қараб ҳар 3-4 соатда қабул қилинади, аммо суткада 3 дозадан ошмаслиги керак.

Препаратни қабул қилишнинг максимал давомийлиги 5 кунни ташкил қилади.

Препарат ичга қабул қилиш учун мўлжалланган.

1 пакетча ичидагисини бир стакан иссиқ, аммо қайноқ бўлмаган сувда эритиш керак. Иссиқ ҳолатда қабул қилинади.

ЧИҚАРИЛИШ ШАКЛИ

Ичга қабул қилиш учун эритма тайёрлашга гранулаланган кукун 23 г дан пакетчаларда №7.

ФАРМАКОЛОГИК ХУСУСИЯТЛАРИ

Фармакодинамикаси

Парацетамол

Парацетамол иситмани туширувчи, оғриқ қолдирувчи ва кучсиз яққолликдаги яллиғланишга қарши таъсир кўрсатади. Парацетамол марказий нерв тизимида простагландинлар синтезини ингибиция қилади ва оғриқ импульсларини ўтказилишини блоклайди. Меъда-ичак йўлларида яхши сўрилади. У йўлдош тўсиғидан ўтади ва аҳамиятсиз даражада кўкрак сути билан ажралади. Цитохром Р450 тизими изоферментлари таъсири остида метаболизмга учрайди; у буйраклар орқали чиқарилади, ярим чиқарилиш даври 1-4 соатни ташкил қилади. Таъсири давомийлиги 3-4 соатни ташкил қилади.

Фенирамин малеати

Фенирамин малеати Н₁-гистамин рецепторлари блокатори бўлиб ҳисобланади, у қон-томирларнинг ўтказувчанлигини камайтиради, кўз ёши оқишини, кўзлар ва бурун қичишишини бартараф этади. Овқат ҳазм қилиш йўлларида сўрилади. Цитохром Р450 тизими изоферментлари таъсири остида метаболизмга учрайди, ярим чиқарилиш даври 16-18 соатни ташкил қилади, ичга қабул қилинган дозанинг 70-83% организмдан буйраклар орқали чиқарилади.

Фенилэфрин гидрохлориди

Фенилэфрин гидрохлориди α-адреномиметик бўлиб ҳисобланади, у қон-томирларни торайтирувчи таъсирга эга, бурун ва бурун ёшдош бўшлиқлари шиллиқ қаватини шишини камайтиради. Самараси тез ривожланади ва тахминан 20 минут давомида кузатилади. Жигарда ёки меъда-ичак йўлларида метаболизмга учрайди, буйраклар орқали чиқарилади.

Аскорбин кислотаси

Аскорбин кислотаси организмнинг носпецифик резистентлигини оширади. Овқат ҳазм қилиш йўлларида тез сўрилади, у жигарда метаболизмга учрайди, буйраклар орқали чиқарилади.

ҚЎЛЛАШ МУМКИН БЎЛМАГАН ҲОЛАТЛАР

Фаол моддалар ёки препаратнинг ҳар қандай ёрдамчи моддаларига ўта юқори сезувчанлик; жигар ва/ёки буйрак функциясини оғир даражада бузилиши; наслий гипербилирубинемия; глюкозо-6-фосфатдегидрогеназа танқислиги; фенилкетонурия; алкоголга қарамлик синдроми; қон касаллиги (анемия, лейкопения); аритмиялар, артериал гипертензия, атеросклероз, юрак ишемик касаллигининг оғир шакллари; гипертиреоз; ўткир панкреатит; сийдик тутилиши билан кечувчи простата бези гипертрофияси; қовуқ бўйинчаси обструкцияси; пилородуоденал обструкция; бронхиал астма; ёпиқ бурчакли глаукома; феохромоцитома; тромбоз, тромбофлебит; қандли диабет; тутқаноқ; юқори қўзғалувчанлик билан боғлиқ ҳолатлар; уйқуни бузилиши; трициклик антидепрессантлар, β-блокаторлар, бошқа симпатомиметиклар, иштаҳани оширувчи ёки пасайтирувчи препаратлар ва амфетамин қаторига мансуб психостимуляторларни бир вақтда қўллаш.

Препаратни моноаминоксидаза (МАО) ингибиторлари билан бир вақтда ва уларни қўллаш тўхтатилгандан кейин 2 хафтада давомида қўллаш мумкин эмас.

НОЖЎЯ ТАЪСИРЛАРИ

Қон ва лимфатик тизим томонидан: анемия (шу жумладан гемолитик), сульфгемоглобинемия ва метгемоглобинемия (цианоз, ҳансираш, юрак соҳасида оғриқ), гематомалар ёки қон кетиши, тромбоцитопения, нейтропения, агранулоцитоз, лейкопения, панцитопения.

Иммун тизими томонидан: ўта юқори сезувчанлик реакциялари, шу жумладан анафилактик шок, ангионевротик шиш.

Эндокрин тизими томонидан: гипогликемия, шу жумладан гипогликемик кома.

Нерв тизими томонидан: бош оғриғи, бош айланиши, тремор, ажитация, асабийлик, таъсирчанлик, қўрқув ҳисси, уйқусизлик, уйқучанлик, онгни чалкашиши, галлюцинация, психомотор қўзғалиш, ориентацияни бузилиши, депрессия, парестезия, алоҳида ҳолатларда - кома, тиришишлар, дискинезия, ҳулқни бузилиши.

Кўриш аъзоси томонидан: кўришни ва аккомодацияни бузилиши, мидриаз, кўз ички босимини ошиши, кўзларни қуриши.

Эшитиш аъзолари томонидан ва лабиринт бузилишлари: қулоқларда шовқин.

Юрак томонидан: тахикардия, брадикардия, пальпитация, аритмия, юракда оғриқ, стенокардия хуружлари.

Қон-томирлар томонидан: артериал гипертензия.

Нафас тизими, кўкрак қафаси ва кўкс оралиғи аъзолари томонидан: ҳансираш, ацетилсалицил кислотаси ва ностероид яллиғланишга қарши воситаларга шта юқори сезувчанлиги бўлган пациентларда бронхоспазм.

Меъда-ичак йўллари томонидан: кўнгил айниши, қусиш, жиғилдон қайнаши, оғизни қуриши, қоринда дискомфорт ва оғриқ, констипация, диарея, метеоризм, афтоз стоматит, гиперсаливация, қон кетиши, шиллиқ қаватларни таъсирланиши.

Жигар ва ўт чиқариш йўллари томонидан: жигар функциясини бузилиши, қонда трансаминазалар даражасини ошиши, одатда сариқлик юзага келишисиз, жигар некрози (юқори дозалар қўлланилганда).

Тери ва тери ости тўқималари томонидан: тошма, қичишиш, дерматит, эшакеми, кўп шаклли экссудатив эритема, Стивенс-Джонсон синдроми, Лайелл синдроми.

Буйрак ва сийдик чиқариш йўллари томонидан: нефротоксик таъсир, интерстициал нефрит, капилляр некроз, дизурия, сийдикни тутилиши ва сийишни қийинлашиши, буйрак санчиғи, буйрак етишмовчилиги.

Умумий бузилишлар ва юбориш жойидаги бузилишлар: ҳолсизлик, толиқиш.

Иккинчи авлод антигистамин препаратлари билан даволашдан фарқли равишда фенирамин билан даволаш QT интервалини узайиши ва юрак аритмияларини ривожланиши билан боғлиқ эмас.

МАХСУС КЎРСАТМАЛАР

Препаратни қўллаганда тавсия этилган дозаларни ошириш мумкин эмас.

5 кун давомида касаллик симптомларининг оғирлик даражаси камаймаса ёки улар 3 кундан ортиқ давом этаётган оғир даражадаги иситма, тошма ёки узоқ вақт бош оғриғи билан кечса, пациентлар шифокор билан маслаҳатлашишлари керак, чунки юқорида таърифланган симптомлар жиддийроқ касаллик билан боғлиқ бўлиши мумкин.

Жигарнинг оғир даражадаги шикастланиши хавфи туфайли препаратни шамоллаш касаллиги ва гриппни симптоматик даволаш учун бошқа дори воситалари билан бир вақтда қўллаш мумкин эмас.

Рейно касаллиги, артериал гипертензия, юрак касалликлари, аритмия, брадикардия, қалқонсимон бези, жигар ва буйрак касалликлари, ўткир гепатит, глаукома, ўпканинг сурункали касалликлари, простата бези гипертрофияси бўлган пациентларда, кекса ёшдаги пациентларда, қон ивиши ошган, гемолитик анемия, озиқланишни сурункали танқислиги, сувсизланиш, стенозланувчи пептик яраси бўлган пациентларда препаратни эҳтиёткорлик билан қўллаш керак.

Жигарнинг алкоголли шикастланиши бўлган пациентларда ва алкоголга қарамлиги бўлган пациентларда гепатотоксик таъсири юзага келиши хавфи ошади.

Жигар ва буйрак касалликлари, бронх-ўпка касалликлари бўлган пациентларда, варфарин ёки бошқа антикоагулянтлар билан даволанаётган пациентлар, енгил оғирлик даражасидаги артритларда ҳар куни оғриқ қолдирувчи воситалар билан даволанаётган пациентларда препаратни қўллашдан олдин шифокор билан маслаҳатлашиш керак.

Препарат қонда глюкоза, сийдик кислотаси, креатинин, ноорганик фосфаларнинг даражасини лаборатор текширувлари натижаларига таъсир кўрсатиши мумкин. Препаратни қўллаганда ахлатда яширин қонга текширув натижаларининг сохтаманфий натижалари кузатилиши мумкин.

Организмда глутатион миқдорини камайиши билан боғлиқ оғир даражадаги инфекцион касалликлари (масалан сепсис) бўлган пациентларда парацетамолни қўллаганда метаболик ацидоз юзага келиши хавфи ошади. Метаболик ацидоз симптомлари бўлиб чуқур, тез-тез ёки қийин нафас олиш, кўнгил айниши, қусиш, иштаҳани йўқолиши ҳисобланади. Юқорида кўрсатилган симптомлар ривожланганда пациент дарҳол шифокорга мурожаат қилиши керак.

Препарат фенилэфрин сақлайди, шунинг учун уни қўллаш стенокардия хуружини қўзғатиши мумкин.

Препаратни кечқурун қўллаш тавсия этилмайди, чунки аскорбин кислотаси юқори дозаларда кучсиз яққолликда рағбатлантирувчи таъсирга эга. Аскорбин кислотаси кортикостероид гормонлар синтезида иштирок этади, уни қўллаганда буйрак функцияси ва артериал босимни мониторинг қилиш керак.

Темир метаболизмини бузилишлари, анамнезида нефролитиаз бўлган пациентларда препаратни алоҳида эҳтиёткорлик билан қўллаш керак.

Аскорбин кислотасини юқори дозаларда узоқ вақт қўллаганда унинг метаболизми тезлиги ошиши мумкин, бунинг натижасида даволаш билан тўхтатилгандан кейин парадоксал гиповитаминоз юзага келиши мумкин.

Препаратни аскорбин кислотасини сақловчи бошқа дори воситалари билан бир вақтда қўллаш мумкин эмас.

Ичак моторикасини бузилишларида, энтерит ёки меъдада хлорид кислотаси секрецияси пасайганда аскорбин кислотасини сўрилиши жараёни ўзгариши мумкин.

Препарат сахароза сақлайди, шунинг учун фруктозани наслий ўзлаштираолмаслик, глюкоза-галактоза мальабсорбцияси ёки сахаразо-изомальтаз етишмовчилиги бўлган пациентларда препаратни қўллаш мумкин эмас.

Қандли диабети бўлган пациентларда қўллаганда эътиборга олиш керак.

Фертиллик, ҳомиладорлик ва лактация даврида қўлланиши

Ҳомиладорлик ва эмизиш даврида аёлларда препаратни қўллаш мумкин эмас.

Клиник олди тадқиқотларида дори воситасини терапевтик дозаларда қўлланилганда парацетамолнинг фертилликка аҳамиятли таъсири кузатилмаган.

Автотранспортни ҳайлаш ва механизмларни бошқариш қобилиятига таъсири

Препаратни қўллаганда уйқучанлик ва нерв тизими ва кўриш аъзоси томонидан нохуш реакциялар юзага келиши мумкин. Препаратни қўллаганда пациентларга автотранспорт ва механизмларни бошқариш тавсия этилмайди.

ДОРИЛАРНИНГ ЎЗАРО ТАЪСИРИ

Парацетамол

Парацетамолни сўрилиш тезлиги метоклопрамид ва домперидон билан бир вақтда қўллаганда ошиши ва колестирамин билан бир вақтда қўллаганда пасайиши мумкин.

Парацетамол билан бирга узоқ вақт қўллаганда варфарин ва кумариннинг бошқа ҳосилаларининг антикоагулянт самараси кучайиши мумкин, бунда қон кетиши хавфи ошади; эпизодик қўлланилганда юқорида кўрсатилган самара аҳамиятсиз яққолликда бўлади.

Барбитуратлар билан мажмуавий қўлланилганда парацетамолнинг иситмани туширувчи самараси пасаяди.

Гепатотоксик препаратлар билан бир вақтда қўлланилганда парацетамолнинг тўпланиши ва дозасини ошириб юборилиши хавфи ошади.

Жигар микросомал ферментларининг фаоллигини оширувчи дори воситалари билан бирга қўллаганда парацетамолнинг жигарга токсик таъсири хавфи ошиши мумкин.

Парацетамол билан мажмуавий қўлланилганда диуретикларнинг самарадорлиги пасаяди.

Парацетамол билан бир вақтда қўлланилганда хлорамфениколнинг ярим чиқарилиш даври ошиши мумкин.

Парацетамол билан бирга қўлланилганда жигарда ламотриджиннинг метаболизми тезлиги ошиши мумкин, бунинг натижасида ламотриджиннинг биокираолишлиги ва самарадорлиги пасаяди.

Парацетамол ва зидовудинни бир вақтда мунтазам қўллаганда нейтропения юзага келиши хавфи мавжуд ва жигарни шикастланиши хавфи ошади.

Пробенецид билан бирга қўлланилганда парацетамолнинг дозасини пасайтириш керак, чунки пробенецид парацетамолнинг метаболизмига таъсир кўрсатади.

Парацетамол қонда сийдик кислотасини фосфор-вольфрам усулида аниқлаш бўйича лаборатор текширувлар натижаларига таъсир кўрсатиши мумкин.

Алкоголни узоқ вақт ёки ҳаддан ташқари кўп миқдорда истеъмол қилганда парацетамолнинг гепатотоксик таъсири кучайиши мумкин. Алкоголни истеъмол қилганда парацетамолни қўллаш мумкин эмас.

Фенилэфрин гидрохлориди

Фенилэфрин МАО ингибиторларини кучайтириши ва гипертоник криз чақириши мумкин.

Фенилэфрин ва трициклик антидепрессантларни бирга қўллаганда юрак-қон томир томонидан нохуш реакциялар юзага келиши ошади.

Фенилэфринни юрак гликозидлари билан мажмуада қўллаганда юрак ритмини бузилишлари ва миокард инфаркти ривожланиши хавфи ошиши мумкин.

Фенилэфринни симпатомиметиклар билан бир вақтда қўллаганда юрак-қон томир тизими томонидан нохуш реакциялар ва артериал гипертензия юзага келиши хавфи ошиши мумкин.

Фенилэфрин билан мажмуавий қўллаганда β-блокатор ва бошқа гипотензив воситаларнинг самарадорлиги пасайиши мумкин, бунда артериал гипертензия ва юрак-қон томир тизими томонидан нохуш реакциялар ривожланиши хавфи ошиши мумкин.

Фенилэфринни шохкуя алкалоидлари билан бирга қўлланилганда эрготизмни юзага келиши хавфи ошиши мумкин.

Аскорбин кислотаси

Аскорбин кислотаси (перорал қабул қилиш) билан бир вақтда қўлланилганда темирни сўрилиши ошади, қонда этинилэстрадиол, пенициллин, тетрациклин концентрацияси ошади, қонда антипсихотик воситалар ва фенотиазин ҳосилаларининг концентрацияси пасаяди, гепарин ва билвосита антикоагулянтларнинг самарадорлиги пасаяди, салицилатлар билан даволаш билан боғлиқ бўлган кристаллурия ривожланиши хавфи ва глюкокортикостероидлар билан даволаш билан боғлиқ бўлган глаукома ривожланиши хавфи ошади.

Юқори дозаларда аскорбин кислотаси билан бирга қўлланилганда трициклик антидепрессантларнинг самарадорлиги пасаяди.

Аскорбин кислотасини дефероксаминни инъекцион юборгандан кейин фақатгина 2 соат ўтгач қўллаш мумкин эмас, чунки уларни бир вақтда қўллаганда темирнинг токсик таъсири, айниқса миокардга таъсири кучаяди, бу декомпенсацияланган юрак етишмовчилигига олиб келиши мумкин.

Дисульфирам билан даволанаётган пациентларда юқори дозаларда аскорбин кислотасини узоқ вақт қўллаганда дисульфирам-этанол реакциясининг тезлиги пасаяди.

Перорал контрацептивлар, мева ёки сабзавотлар шарбати, ишқорий эритмалар билан мажмуада қўлланилганда аскорбин кислотасининг сўридиши пасаяди.

Фенирамин малеати

Фенирамин билан бир вақтда қўлланилганда атропин, спазмолитик воситалар, трициклик антидепрессантлар, противопаркинсоник воситаларнинг антихолинергик таъсири кучаяди.

Фенирамин билан бирга қўлланилганда антикоагулянтларнинг таъсири камаяди.

Фенирамин билан мажмуавий қўлланилганда ухлатувчи воситалар, барбитуратлар, седатив воситалар, нейролептиклар, транквилизаторлар, анестетиклар, наркотик анальгетиклар, алкоголнинг МНТг га сусайтирувчи таъсир кучайиши мумкин.