ТАРКИБИ

Левофлоксацин инфузия учун эритма 500 мг

ҚЎЛЛАНИЛИШИ

- ўткир пиелонефрит ва сийдик йўлларининг асоратланган инфекциялари;

- сурункали бактериал простатит;

- куйдиргининг ўпка шакли: контактдан кейинги олдини олиш ва даволаш қўлланилади.

ҚЎЛЛАШ УСУЛИ ВА ДОЗАЛАРИ

Инфузия учун левоксимед эритмаси суткада 1-2 марта секин вена ичига юборилади. Доза инфекциянинг тури ва оғирлигига, шунингдек, шубҳали қўзғатувчининг сезгирлигига боғлиқ. Вена ичига дастлабки терапиядан сўнг, пациентнинг ҳолатига қараб, левофлоксацинни таблеткалар шаклида қабул қилишга ўтиш мумкин. Перорал ва парентерал шаклларнинг биоэквивалентлигини ҳисобга олган ҳолда, бир хил дозадан фойдаланиш мумкин.

Буйрак функцияси нормал бўлган пациентлар (креатинин клиренси > 50 мл/минут)

Даволаниш давомийлиги вена ичига ҳамда перорал терапияни ўз ичига олади. Вена ичига бўлган терапиядан перорал терапияга ўтиш вақти пациент ҳолатига қарам, ва одатда даволаниш бошланганидан кейин 2 дан 4 кунгачани ташкил қилади.

Пациентларни алоҳида гуруҳлари

Буйраклар функцияси бузилган пациентлар (креатинин клиренси ≤ 50 мл/минут)

^* Гемодиализ ёки доимий амбулатор перитонеал диализдан (ДАПД) кейин қўшимча дозалар талаб қилинмайди.

Жигар функцияси бузилган пациентлар

Дозага тузатиш киритиш талаб этилмайди, чунки левофлоксацин жигарда сезиларли метаболизмга учрамайди ва асосан буйраклар орқали чиқарилади.

Кекса ёшли пациентлар

Кекса ёшли пациентларда дозага тузатиш киритиш талаб этилмайди, буйрак функцияси бузилган ҳолатлар бундан мустасно.

Препаратни қўллаш қоидалари

Инфузия учун Левоксимед эритмаси суткада 1-2 марта секин вена ичига юборилади. 250 мг левофлоксацин учун инфузия давомийлиги камида 30 минут ва 500 мг левофлоксацин учун камида 60 минут бўлиши керак.

Левоксимед гепарин ёки ишқорий эритмалар (масалан, натрий бикарбонат) билан номутаносиб. Левоксимед қуйидаги инфузион эритмалар билан мос келади: 0,9% натрий хлорид эритмаси, 5% декстроза эритмаси, декстрозали 2,5% Рингер эритмаси, парентерал озиқлантириш учун аралаш эритмалар (аминокислоталар, декстроза, электролитлар). Левоксимедни юқорида санаб ўтилган препаратлардан ташқари бошқа дорилар билан аралаштириш мумкин эмас.

ЧИҚАРИЛИШ ШАКЛИ

Инфузия учун эритма 100 мл дан рангсиз шиша флаконда, бромбутилкаучукли тиқин ва Flip off турдаги мажмуавий алюминийли қопқоқча билан.

ФАРМАКОЛОГИК ҲУСУСИЯТЛАРИ

Фармакодинамикаси

Левофлоксацин фторхинолонлар гуруҳидан синтетик антибиотик бўлиб, офлоксацин рацематининг S-(-) энантиомеридир.

Таъсир механизми

Фторхинолонли антибиотик сифатида левофлоксацин ДНК/ДНК-гираза мажмуаси ва топоизомераза IV га таъсир қилади.

Фармакокинетика ва фармакодинамика орасидаги алоқа

Левофлоксациннинг бактерицид фаоллиги даражаси қон зардобидаги максимал концентрацияси (C_max) ёки “концентрация-вақт” эгри чизиғи остидаги майдон (AUC) ва минимал ингибиция қилувчи концентрация (МИК) нисбатига боғлиқ.

Одатда сезувчан бўлган турлар:

- аэроб граммусбат микроорганизмлар - Bacillus anthracis, Staphylococcus aureus (метициллинга сезувчан), Staphylococcus saprophyticus, Streptococcus (C ва G гуруҳи), Streptococcus agalactiae, Streptococcus pneumoniae, Streptococcus pyogenes;

- аэроб грамманфий микроорганизмлар - Eikenella corrodens, Haemophilus influenzae, Haemophilus parainfluenzae, Klebsiella oxytoca, Moraxella catarrhalis, Pasteurella multocida, Proteus vulgaris, Providencia rettgeri;

- анаэроб микроорганизмлар - Peptostreptococcus;

- бошқа микроорганизмлар - Chlamydophila pneumoniae, Chlamydophila psittaci, Chlamydia trachomatis, Legionella pneumophila, Mycoplasma pneumoniae, Mycoplasma hominis, Ureaplasma urealyticum.

Фармакокинетикаси

Перорал юборилганда левофлоксацин тез ва деярли тўлиқ сўрилади, 1-2 соат ичида максимал плазма концентрациясига эришади. Мутлақ биокираолишлиги тахминан 99-100% ни ташкил қилади. Озиқ-овқат истеъмол қилиш левофлоксациннинг сўрилишига кам таъсир қилади. Мувозанат ҳолатига суткада 1-2 марта 500 мг дозада 48 соат ичида эришилади. Левофлоксациннинг тахминан 30-40% зардоб оқсиллари билан боғланади. 500 мг левофлоксацинни бир марталик ва кўп марталик қўлланганидан кейин ўртача тақсимланиш ҳажми тахминан 100 л ни ташкил қилади, бу организм тўқималарида яхши тақсимланишини кўрсатади. Левофлоксацин бронхларни шиллиқ қавати, ўпка сурфактанти, алвеоляр макрофаглар, ўпка тўқималари, тери (пўрсилдоқлар таркиби), простата бези тўқималари ва сийдикка ўтади. Левофлоксацин орқа мия суюқлигига ёмон киради. Левофлоксацин жуда оз миқдорда метаболизмга учрайди. Десметил-левофлоксацин ва левофлоксацин-N-оксид метаболитлари сийдик билан чиқариладиган дозанинг 5% дан камроғини ташкил қилади. Левофлоксацин стереокимёвий жиҳатдан барқарор ва хирал инверсияга тобе эмас. Перорал ва вена ичига юборилгандан кейин левофлоксацин плазмадан нисбатан секин чиқарилади (t_1/2: 6-8 соат). Чиқарилиши асосан буйраклар орқали содир бўлади (кўрсатилган дозанинг 85% дан ортиғи). Бир марталик 500 мг доза қабулидан кейин левофлоксациннинг ўртача умумий клиренси 175 ± 29,2 мл/мин ни ташкил қилади. Вена ичига ёки перорал юборилгандан кейин левофлоксациннинг фармакокинетикасида сезиларли фарқлар йўқ, бу перорал ва вена ичига юборишнинг ўзаро алмашинишидан далолат беради.

ҚЎЛЛАШ МУМКИН БЎЛМАГАН ҲОЛАТЛАР

- левофлоксацинга ёки бошқа хинолонларга ёки ҳар қандай ёрдамчи моддаларига юқори сезувчанлик;

- тутқаноқ;

- анамнезда фторхинолонларни қабул қилиш билан боғлиқ бўлган пайларни шикастланиши;

- ҳомиладорлик ва лактация даври;

- болалар ва 18 ёшгача бўлган ўсмирларда қўллаш мумкин эмас.

НОЖЎЯ ТАЪСИРЛАРИ

Инфекциялар ва инвазиялар: тез-тез эмас - замбуруғ инфекциялари, шу жумладан кандидоз инфекциялари, патогенларда резистентликни ривожланиши.

Қон ва лимфатик тизим томонидан: тез-тез эмас - лейкопения, эозинофилия; кам ҳолларда - тромбоцитопения, нейтропения; тез-тезлиги номаълум - панцитопения, агранулоцитоз, гемолитик анемия.

Иммун тизими томонидан: кам ҳолларда – ангионевротик шиши, юқори сезувчанлик реакциялари; тез-тезлиги номаълум - анафилактик шок, анафилактоид шок. Биринчи дозадан кейин анафилактик ва анафилактоид реакциялар пайдо бўлиши мумкин.

Эндокрин тизим томонидан: кам ҳолларда - антидиуретик гормоннинг ноадекват секрецияси синдроми.

Моддалар алмашинуви ва озиқланиш томонидан: тез-тез эмас - анорексия; кам ҳолларда - гипогликемия, айниқса диабети бор пациентларда, гипогликемик кома; тез-тезлиги номаълум - гипергликемия.

Руҳиятни бузилишлари: тез-тез - уйқусизлик; тез-тез эмас - хавотирлик, онг чалкашиши, асабийлашиш; кам ҳолларда - галлюцинациялар ва параноялар билан психотик реакциялар, депрессия, қўзғалувчанлик, ғайритабиий тушлар, тунги ёмон тушлар кўриш, делирий; тез-тезлиги номаълум - ўз жонига қасд қилиш фикрлари ва ҳаракатларини ўз ичига олган, ўз-ўзига зарар етказиш билан боғлиқ психотик реакциялар.

Нерв тизими томонидан: тез-тез - бош оғриғи, бош айланиши; тез-тез эмас - уйқучанлик, тремор, дисгевзия; кам ҳолларда - тиришишлар, парестезия, хотира бузилиши; тез-тезлиги номаълум - сенсорли ёки сенсомотор периферик нейропатия, ҳид сезишни бузилиши, шу жумладан ҳидни йўқотиш, дискинезия, экстрапирамидал бузилишлар, агевзия, ҳушидан кетиш, хавфсиз бош ички гипертензияси.

Кўриш аъзоси томонидан: кам ҳолларда – кўриш тиниқлигини бузилиши; тез-тезлиги номаълум - кўришнинг вақтинча йўқолиши, увеит.

Эшитиш ва мувозанат аъзоси томонидан: тез-тез эмас – вертиго; кам ҳолларда - қулоқларда шовқин; тез-тезлиги номаълум - эшитиш қобилиятини йўқотиш, эшитиш қобилиятини бузилиши.

Юрак томонидан: кам ҳолларда - тахикардия, палпитация; тез-тезлиги номаълум - юрак тўхтаб қолишига олиб келиши мумкин бўлган қоринчалар тахикардияси, қоринчалар аритмияси ва "пируэт" туридаги тахикардия (асосан QT интервалини узайиш хавф омилларига эга бўлган пациентларда), электрокардиограммада (ЭКГ) QT интервалини узайиши.

Қон томирлари томонидан: тез-тез - флебит (фақат вена ичига юборишдан кейин); кам ҳолларда - гипотензия.

Нафас олиш тизими, кўкрак қафаси ва кўкс оралиғи аъзолари томонидан: тез-тез эмас - диспноэ; тез-тезлиги номаълум - бронхоспазм, аллергик пневмонит.

Меъда-ичак йўли томонидан: тез-тез - диарея, қусиш, кўнгил айниши; тез-тез эмас - қорин оғриғи, диспепсия, метеоризм, қабзият; тез-тезлиги номаълум - қон билан аралашган диарея, бу жуда кам ҳолларда энтероколит, шу жумладан сохтамембраноз колит, панкреатит белгиси бўлиши мумкин.

Гепатобилиар тизим томонидан: тез-тез - жигар ферментлари даражасининг ошиши (АЛТ/АСТ), ишқорий фосфатаза, гамма-глутамилтрансфераза; тез-тез эмас - билирубин даражасининг ошиши; тез-тезлиги номаълум - сариқлик ва жигарнинг оғир шикастланиши, шу жумладан ўлимга олиб келадиган ўткир жигар етишмовчилиги, айниқса оғир асосий касаллик, гепатит билан оғриган пациентларда.

Тери ва тери ости тўқималари томонидан: тез-тез эмас- экзантема, қичишиш, эшакеми, гипергидроз; кам ҳолларда - эозинофилия ва тизимли симптомлар билан дори реакцияси, турғун дори тошмаси; тез-тезлиги номаълум - токсик эпидермал некролиз, Стивенс-Джонсон синдроми, кўп шаклли эритема, фотосенсибилизация реакциялари, лейкоцитокластик васкулит, стоматит. Биринчи дозадан кейин реакциялар пайдо бўлиши мумкин.

Скелет-мушак ва бириктирувчи тўқима томонидан: тез-тез эмас - артралгия, миалгия; кам ҳолларда – пайларни шикастланиши, жумладан тендинит (масалан, Ахиллес пайи), мушакларнинг кучсизлиги, бу миастения грависли пациентларда алоҳида аҳамиятга эга бўлиши мумкин; тез-тезлиги номаълум - рабдомиолиз, пайлар узилиши (масалан, Ахиллес пайи), пайчаларни узилиши, мушакларнинг узилиши, артрит.

Буйраклар ва сийдик чиқариш йўллари томонидан: тез-тез эмас - зардобда креатинин даражасининг ошиши; кам ҳолларда - ўткир буйрак етишмовчилиги (масалан, интерстициал нефритда).

Умумий бузилишлар ва юбориш жойидаги бузилишлар: тез-тез - инфузия жойидаги реакциялар (оғриқ, қизариш); тез-тез эмас - астения; кам ҳолларда - тана ҳароратининг ошиши; тез-тезлиги номаълум - оғриқ (шу жумладан, бел, кўкрак ва қўл-оёқлардаги оғриқлар).

ДОРИЛАРНИНГ ЎЗАРО ТАЪСИРИ

Клиник тадкикотлар левофлоксацин ва теофиллиннинг фармакокинетик ўзаро таъсирини кўрсатмади. Бироқ, хинолонлар теофиллин, ностероид яллиғланишга қарши препаратлар ёки тиришишга тайёргарликни церебрал чегарасини пасайтирадиган бошқа препаратлар билан бир вақтда қўлланилганда, тиришишга тайёргарлик чегарасини сезиларли даражада пасайиши мумкин.

Пробенецид ва циметидин левофлоксацинни чиқарилишига статистик жиҳатдан сезиларли таъсир кўрсатган. Левофлоксациннинг буйрак клиренси циметидин (24%) ва пробенецид (34%) таъсри остида камайган, чунки иккала препарат ҳам левофлоксациннинг буйрак найчалари секрециясини ингибиция қилиши мумкин. Бироқ, тадқиқотда фойдаланилган дозаларда статистик жиҳатдан аҳамиятли кинетик фарқлар клиник аҳамиятга эга бўлиши даргумон.

Найчали секрецияга таъсир қилувчи препаратларни бир вақтда қўллашда (масалан, пробенецид ва циметидин) левофлоксацинни эҳтиёткорлик билан қўллаш керак. Бу, айниқса, буйрак етишмовчилиги бўлган пациентларда муҳим.

Левофлоксацин билан биргаликда қўлланилганда циклоспориннинг яримчиқарилиш даври 33% га ошган.

Левофлоксацин ва К витамини антагонистларини (масалан, варфарин) бир вақтда қабул қилган пациентларда протромбин вақтининг ортиши (ХНН нинг ортиши/ Квик бўйича протромбиннинг камайиши) ва/ёки оғир ҳолтагача бўлган қон кетишлар тўғрисида хабар берилган. К витамини антагонистларини бир вақтда қўллашда, гемостаза тизими кўрсаткичларини назорат қилиш керак.

Левофлоксацин, бошқа фторхинолонлар сингари, QT интервалини узайтириши маълум бўлган препаратларни (масалан, IА ва III синф антиаритмиклар, трициклик антидепрессантлар, макролидлар, антипсихотиклар) қабул қилаётган пациентларда эҳтиёткорлик билан қўлланилиши керак.

МАХСУС КЎРСАТМАЛАР

Резистентлик

Метициллинга чидамли S. aureus фторхинолонларга (шу жумладан левофлоксацинга) чидамли бўлиши мумкин. Шунинг учун, метициллинга резистент стафилококк (MRSA) инфекцияси маълум ёки шубҳа қилинган ҳолларда, микроорганизмнинг левофлоксацинга сезгирлигини тасдиқловчи натижалар олингунича, даволаш учун левофлоксацин тавсия этилмайди.

Сийдик чиқариш йўллари инфекцияларининг энг кўп қўзғатувчиси бўлган Е. coli нинг фторхинолонларга резистентлиги турли мамлакатларда фарқ қилади. Шифокорлар Е. coli нинг фторхинолонларга резистентлиги тарқалиши тўғрисидаги маҳаллий маълумотларни кўриб чиқишлари керак.

Куйдиргининг ўпка шакли

Одамларда фойдаланиш Bacillus anthracis га in vitro шароитида сезувчанлик маълумотларига ва ҳайвонлардаги экспериментал маълумотларга, шунингдек, одамларда фойдаланиш бўйича чекланган маълумотларга асосланади. Куйдиргини даволашда шифокорлар миллий ёки халқаро келишилган ҳужжатларни ҳисобга олишлари керак.

Тендинит ва пайлар узилиши (айниқса, Ахиллес пайи), баъзан икки томонлама, хинолонлар ва фторхинолонлар билан даволаш бошланганидан кейин 48 соат ўтгач, шунингдек даволанишни тўхтатгандан кейин бир неча ой давомида пайдо бўлиши мумкин. Тендинит ва пайлар узилиши ривожланиш хавфи кекса ёшли пациентларда, буйрак етишмовчилиги бўлган пациентларда, паренхиматоз аъзолар трансплантациясида, кунига 1000 мг левофлоксацинни қабул қиладиган пациентларда ва кортикостероидларни бир вақтда қабул қиладиган пациентларда ортади. Кортикостероидлар ва фторхинолонларни бир вақтда қўллашдан сақланиш керак.

Clostridium difficile билан боғлиқ касалликлар

Левофлоксацин билан даволаш пайтида ёки ундан кейин айниқса оғир, турғун ва/ёки қонли диарея Clostridium difficile билан боғлиқ касалликнинг (CDAD) белгиси бўлиши мумкин. CDADнинг оғирлиги енгилдан ҳаёт учун хавфли оғир шаклгача бўлиши мумкин. Энг оғир шакли сохтамембраноз колитдир. Агар пациентда левофлоксацин билан даволаш пайтида ёки ундан кейин кучли диарея ривожланса, ушбу ташхисни ҳисобга олиш муҳимдир. Агар CDADга шубҳа бўлса ёки тасдиқланса, левофлоксацин билан даволаш дарҳол тўхтатилиши ва тегишли терапияни бошлаш керак. Бундай ҳолларда перисталтикани ингибирловчи дори воситаларини қўллаш мумкин эмас.

Фертиллик, ҳомиладорликда ва лактация даврида қўлланиши

Ҳомиладорлик

Левофлоксацин ҳомиладор аёлларда қўлланилмаслиги керак, чунки одамларда тадқиқотлар ўтказилмаган, ҳайвонларда ўтказилган тадқиқотлар маълумотлари эса фторхинолонлар таъсирида ўсаётган организмдаги бўғимларнинг тоғайига зарар етказиш хавфини кўрсатади.

Лактация

Левоксимедни лактация даврида қўллаш мумкин эмас.

Фертиллик

Левофлоксацин каламушларда фертилликка ёки репродуктив фаолликка таъсир қилмаган.