ТАРКИБИ

1 мл препарат қуйидагиларни сақлайди:

фаол модда: 100 мг хондроитин сульфат натрий.

ҚЎЛЛАНИЛИШИ

- Бўғимлар ва умуртқа поғонасини:

- бирламчи артроз;

- асосан йирик бўғимларни шикастланиши билан кечувчи остеоартроз;

- умуртқалараро остеохондроз каби дегенератив касалликларини даволаш учун қўлланади.

ҚЎЛЛАШ УСУЛИ ВА ДОЗАЛАРИ

Препарат мушак ичига 1 мл дан (100 мг хондроитин сульфати) кунора буюрилади. Препарат яхши ўзлаштирилганида, тўртинчи инъекциядан бошлаб 2 мл гача (200 мг хондроитин сульфати) оширилади. Даволаш курси – 25-35 инъекцияни ташкил этади. Зарурат бўлганида 6 ойдан кейин такрорий даволаш курсларини ўтказиш мумкин.

ЧИҚАРИЛИШ ШАКЛИ

Инъекция учун эритма. 5 сариқ шиша ампула 2 мл дан контур уяли ўрамда. 1 ёки 2 контур уяли ўрам қўллаш бўйича йўриқномаси билан бирга картон қутига жойланган.

ФАРМАКОЛОГИК ҲУСУСИЯТЛАРИ

Фармакодинамикаси

Дори воситасининг асосий таъсир этувчи моддалар – А ва С хондроитин сульфатининг натрийли тузлари (ўртача молекуляр массаси 11000 дальтон). Хондроитин сульфати – юқори молекуляр мукополисахарид. Коллаген толалари билан бирга тоғай матриксини ташкил этувчи протеогликанларнинг асосий компоненти ҳисобланади. Дори воситаси яллиғланишга қарши, оғриқ қолдирувчи таъсир кўрсатади. Бўғим тоғайининг деградациясини чақирувчи энзимларнинг фаоллигини сусайтиради: металлопротеиназаларни, хусусан, лейкоцитар эластазани ингибиция қилади. Гиалуронидазанинг фаоллигини пасайтиради. Эркин кислород радикалларини ажралиб чиқишини вақтинчалик блоклайди; хемотаксис, антиген детерминантни блокланишига ёрдам беради. Яллиғланишга қарши ва оғриқ қолдирувчи самараларига, синовиоцитлар ва синовиал қобиқнинг макрофаглари орқали яллиғланиш медиаторлари ва оғриқ омилларини синовиал суюқлликка ажралиб чиқишини пасайиши туфайли, шунингдек лейкотриен В4 ва простагландин Е2 секрециясини сусайиши оқибатида эришилади. Хондроитин сульфати бириктирувчи тўқимани эзилишига тўсқинлик қилади, бўғим юзалари учун мой вазифасини бажаради, бўғим суюқлигини ишлаб чиқарилишини нормаллаштиради, бўғимларнинг ҳаракатчанлигини яхшилайди, оғриқнинг жадаллигини камайишига ёрдам беради, турмуш тарзини яхшилайди.

Фармакокинетикаси

Мушак ичига юборилганидан сўнг хондроитин сульфати осон сўрилади. Инъекциядан кейин 30 минут ўтган заҳоти у қонда аҳамиятли концентрацияларда аниқланади. Плазмада хондроитин сульфати максимал концентрациясига 1 соатдан кейин эришади, сўнгра 2 сутка давомида аста-секин камаяди.

Хондроитин сульфати, асосан, бўғимларни ҳосил қилувчи тоғай тўқимасида тўпланади. Синовиал қобиқ препаратни бўғим бўшлиғига ўтиши учун тўсқинлик қилмайди. Мушак ичига инъекция қилинганидан сўнг 15 минутдан кейин хондроитин сульфати синовиал суюқликда аниқланади, сўнгра эса бўғим тоғайига ўтади, у ерда у максимал концентрациясига 48 соатдан кейин эришади.

Буйраклар орқали 24 соат давомида чиқарилади.

ҚЎЛЛАШ МУМКИН БЎЛМАГАН ҲОЛАТЛАР

- препаратнинг компонентларига юқори сезувчанлик;

- қонашларга мойиллик;

- тромбофлебитларда қўллаш мумкин эмас.

НОЖЎЯ ТАЪСИРЛАРИ

Тери ва тери ости тўқималари томонидан: баъзида – эритема, эшакеми, дерматит, макулопапулёз тошма (қичишиш билан ёки усиз кечувчи) ва/ёки шишлар; инъекция қилинган жойда геморрагиялар.

Меъда-ичак йўллари томонидан: якка ҳолларда – кўнгил айниши, қусиш.

ДОРИЛАРНИНГ ЎЗАРО ТАЪСИРИ

Драстоп препаратини ностероид яллиғланишга қарши препаратлар билан бирга қўллаш уларнинг дозаларини пасайтириш имконини беради.

Билвосита антикоагулянтлар, антиагрегантлар, фибринолитикларнинг таъсирини кучайтириши мумкин, бу улар бирга қўлланганида қон ивиши кўрсаткичларини янада кўпроқ назорат қилишни талаб этади.

МАХСУС КЎРСАТМАЛАР

Аллергик реакциялар ёки геморрагиялар ривожланганида даволашни тўхтатиш керак.

барқарор клиник самарага эришиш учун Драстоп дори воситасини камида 25 инъекция қилиш керак, бироқ самараси даволаш курси тугаганидан сўнг кўпгина ойлар давомида сақланади. Касалликни зўрайишини олдини олиш мақсадида такрорий даволаш курсларини ўтказиш кўрсатилган.

Прапаратнинг таркибида бензил спирти сақланади, у кўкрак ёшидаги болаларда ва 3 ёшгача бўлган болаларда заҳарланиш ва сохта анафилактик реакцияларни чақириши мумкин.

Атеросклероз бўлган кекса ёшдаги пациентларда хондроитин сульфатини қўллаш юзасидан клиник маълумотлар мавжуд, бунда қон плазмасида холестерин ва триглицеридларнинг концентрациясини бироз пасайиши кузатилган.

Қон ивишини бузилишларида, қандли диабетда, тана вазни юқори бўлган шахсларда, тузнинг миқдори паст бўлган парҳезга риоя қиладиган пациентларда, 18 ёшгача бўлган болаларда, буйрак функцияси бузилганида, ҳомиладорликни режалаштираётган аёлларда препарат эҳтиёткорлик билан қўлланади.

Ҳомиладорликда ва лактация даврида қўлланиши

Ҳомиладорликда препаратни қўллаш тавсия этилмайди. Эмизиш даврида аёлларда препаратни қўллаш ҳавфсизлигини тасдиқловчи маълумотлар йўқлиги сабабли, препарат билан даволаниш вақтида эмизишни тўхтатиш керак.