ТАРКИБИ

Силимарин – 140 мг.

ҚЎЛЛАНИЛИШИ

- жигарни токсик шикастланиши (масалан, алкоголь истеъмол қилганда, дори воситаларини қабул қилганда ёки қандли диабет каби метаболик бузилишларда);

- жигарни сурункали яллиғланиш касалликлари ва жигар циррозида (тутиб турувчи даволаш сифатида) қўлланади.

Силарсил билан даволаш жигарни шикастлайдиган токсик моддаларни (масалан, алкоголни) бекор қилиш учун ўринбосар ҳисобланмайди.

Силарсилни фақат 18 ёшдан ошган пациентларда қўллаш тавсия этилади.

ҚЎЛЛАШ УСУЛИ ВА ДОЗАЛАРИ

Капсулалар ичга, бутунлигича, чайнамасдан, етарли миқдордаги суюқлик билан қабул қилинади.

Даволашни бошланишида ва оғир ҳолатларда тавсия этиладиган дозаси 140 мг Силарсил препарати 1 капсуладан суткада 3 марта қабул қилишдан иборат, қолган барча ҳолатларда тавсия этиладиган дозаси 140 мг Силарсил препарати 1 капсуладан суткада 2-3 марта қабул қилишдан иборат.

ЧИКАРИЛИШ ШАКЛИ

Силарсил капсулалар №30.

ФАРМАКОЛОГИК ҲУСУСИЯТЛАРИ

Фармакодинамикаси

Силимариннинг антитоксик таъсири жигарни кўп сонли шикастланиш моделлари ёрдамида (масалан, Amanita phalloides заҳари ва тетрахлорметан билан) ҳайвонларда ўтказилган экспериментларда намойиш этилган.

Силимариннинг терапевтик самараси бир қанча таъсир механизмлари билан ифодаланади. У гепатоцитларнинг цитоплазматик мембраналари структурасини ўзгартиради, шунинг учун токсик агентлар ҳужайра ичига ўтолмайдилар, ядродаги полимераза А ни рағбатлантиради, натижада рибосомаларда оқсил синтези ошади, ва шу орқали жигар ҳужайралари регенерациясини таъминлайди, шунингдек липидларни перекисли оксидланишини ва эркин радикалларни ҳосил бўлишини ингибиция қилади. Юқорида ҳужайра даражасида кўрсатилган самаралар жигар ферментлари, оқсиллар ва қон ивиши факторларининг плазмадаги даражаларини клиник жиҳатдан нормаллашиши билан намоён бўлади.

Фармакокинетикаси

Перорал қабул қилинганидан сўнг қон плазмасида силимариннинг асосий компоненти силибининнинг концентрациясини пастлиги кузатилади, у максимал концентрациясига ўртача 2 соатдан кейин эришади; силибининнинг биокираолишлиги тахминан 20-40% ни ташкил этади.

Ҳайвонларда ўтказилган тадқиқотларда, силибинин учун энтерогепатик циркуляция характерли. Силибинин асосан сафро билан сульфат ва глюкуронид билан конъюгация кўринишида чиқарилади; сийдик билан 24 соат давомида юборилган дозанинг 3-7% чиқарилади, силибининни ярим чиқарилиш даври 6,3 соатни ташкил этади.

Силимарин терапевтик дозаларда (140 мг дан суткада 3 марта) ҳам бир марта, ҳам кўп марта қабул қилинганидан кейин сафрода силибининнинг бир хил концентрациялари кузатилади, бу ҳолат уни организмда тўпланмаслигидан далолат беради. Бунда фаол моддаларнинг кўп компонентли аралашмасидан иборат бўлган силимаринга ҳам тааллуқлиги номаълум.

Силимарин 140 мг дозада суткада 3 марта кўп марта қабул қилинганида силибинни сафро билан элиминация тезлиги доимий характерга эга.

ҚЎЛЛАШ МУМКИН БЎЛМАГАН ҲОЛАТЛАР

Препаратнинг фаол моддасига, Asterаceae оиласига мансуб ўсимликлардан олинган бошқа ҳосилаларга ёки ёрдамчи моддаларидан бирортасига ўта юқори сезувчанликда препаратни қўллаш мумин эмас.

НОЖЎЯ ТАЪСИРЛАРИ  

Нохуш реакциялар қуйида MedDRA бўйича структур-аъзолар синфларига мувофиқ равишда санаб ўтилган. Нохуш реакцияларни учраш тезлиги кўрсаткичлари қуйидаги тарзда аниқланади: жуда тез-тез (≥ 1/10); тез-тез (≥ 1/100, аммо < 1/10); тез-тез эмас
(≥ 1/1000, аммо < 1/100); кам ҳолларда (≥ 1/10000, аммо < 1/1000); жуда кам ҳолларда
(< 1/10000); учраш тезлиги номаълум (мавжуд маълумотларга асосланиб баҳолаш мумкин эмас.

Иммун тизими томонидан: жуда кам ҳолларда – ўта юқори сезувчанлик реакциялари, шу жумладан тошма тошиши ва ҳансираш билан намоён бўлувчи реакциялар.

Меъда-ичак йўллари томонидан: кам ҳолларда – ахлатни суюқ келиши ёки диарея каби, меъда-ичак функциясини бузилишлари бўлиши мумкин.

ДОРИЛАРНИНГ ЎЗАРО ТАЪСИРИ

Дориларнинг ўзаро таъсири юзасидан маълумотлар йўқ.

МАХСУС КЎРСАТМАЛАР

Силимарин билан даволаш жигарни шикастлайдиган токсик агентлар (масалан, алкоголь)нинг таъсири бартараф қилинган ҳолатдагина самарали ҳисобланади.

Силарсил билан даволаниш вақтида қориннинг юқори қисмида оғриқ, иштаҳани йўқолиши, сариқлик, кўз склерасини сарғайиши, сийдикни тўқлашиши, ахлатнинг рангини ўзгариши каби жигарни шикастланганидан далолат берувчи симптомлар пайдо бўлганида, пациентлар шифокорга мурожаат қилишлари керак.

Ёрдамчи моддалар

Силарсил 70 мг/Силарсил 140 мг таркибида лактоза сақлайди, шунинг учун галактозани ўзлаштиролмаслик, лактаза етишмовчилиги ёки глюкоза-галактоза мальабсорбцияси билан характерланадиган кам учрайдиган наслий касалликлари бўлган пациентлар ушбу дори препаратни қабул қилишлари мумкин эмас.

Силарсил 140 мг аллергик реакцияларни чақириши мумкин бўлган понсо 4R бўёвчисини сақлайди.

Фертиллиги, ҳомиладорлик ва лактация даврида қўлланиши

Ҳомиладорлик

Аёлларда ҳомиладорлик даврида препаратни қўллаш юзасидан маълумотлар йўқ.

Ҳайвонларда ўтказилган тадқиқотларда ҳомиладорликка, эмбрион/ҳомилани ривожланишига, туғруққа ёки постнатал ривожланишга силимариннинг бевосита ёки билвосита салбий таъсири аниқланмаган.

Силарсил препаратини ҳомиладорлик даврида фақат қатъий кўрсатмалар бўйича қўллаш керак.

Лактация

Аёлларда эмизиш даврида препаратни қўллаш юзасидан маълумотлар йўқ, шунинг учун Силарсил препаратини лактация даврида қўллаш тавсия этилмайди.

Фертиллик

Одам фертиллигига силимаринни таъсири юзасидан маълумотлар йўқ.

Автотранспортни ҳайдаш ва механизмларни бошқариш қобилиятига таъсири

Препарат автотранспортни ҳайдаш ва механизмларни бошқариш қобилиятига таъсир қилмайди ва аҳамиятсиз таъсир кўрсатади.