ТАРКИБИ

5 мл сироп қуйидагиларни сақлайди:

тербуталин сульфат           1,5 мг,

гвайфенезин                       66,5 мг;

ҚЎЛЛАНИЛИШИ

- Бронхиал астмада бронхоспазмни бартараф этиш ва олдини олиш учун қўлланилади. У астманинг асосий терапияси учун қўлланилмайди.

- Сурункали обструктив ўпка касаллиги (СОЎК) бўлган пациентларда бронхообструктив синдромни симптоматик даволаш. У СОЎК асосий терапияси учун қўлланилмайди.

ҚЎЛЛАШ УСУЛИ ВА ДОЗАЛАРИ

Дозалаш тартиби

Ингаляцион кортикостероидлар, лейкотриен рецепторлари антагонистлари билан яллиғланишга қарши даволашга қўшимча сифатида қўлланилади.

Катталар ва 12 ёшдан ошган болалар: суткада 3 марта 10-15 мл сироп.

6 ёшдан 12 ёшгача бўлган болалар: суткада 3 марта килограмм тана вазнига 0,25 мл. Дозани суткада 3 марта 15 мл сиропдан ошмаслиги керак.

6 ёшдан кичик бўлган болаларда

Ушбу тоифадаги пациентларда препарат қўлланилмайди.

Жигар ва/ёки буйрак функцияси бузилиши бўлган пациентларда

Жигар ва/ёки буйрак функцияси бузилиши бўлган пациентларда препаратнинг самарадорлиги ва хавфсизлиги аниқланмаган.

Кекса ёшли пациентлар

Дозага тузатиш киритиш талаб қилинмайди.

Қўллаш усули

Ичга қабул қилиш учун. Препаратни дозалаш учун ўрамида мавжуд бўлган ўлчов стаканидан фойдаланилади.

ЧИҚАРИЛИШ ШАКЛИ

100 мл дан сироп бураладиган пластик қопқоқли сариқ шишали флаконларда.

ФАРМАКОЛОГИК ҲУСУСИЯТЛАРИ

Фармакодинамикаси

Тербуталин селектив β₂-адренорецепторлар агонисти ҳисобланади. Бронхларнинг силлиқ мушакларининг β₂-адренорецепторларига стимуляцияловчи таъсир кўрсатади, ва шу тариқа бронходилатацияни таъминлайди; мукоцилиар клиренсни оширади, бронхиал шиллиқ қаватнинг шишишини камайтиради.

Гвайфенезин – балғам кўчирувчи восита; таъсири бронхиал шиллиқ қаватидаги сирт таранглигини ва балғамнинг ёпишишини камайтиришга асосланган. Бу бронхнинг кирпикли эпителиясининг таъсирини кучайтиради ва балғамни нафас йўлларидан чиқарилишини енгиллаштиради. Гвайфенезин анксиолитик таъсир кўрсатади.

Фармакокинетикаси

Тербуталин сульфат ичак деворидан ўтаётганда, сўнгра жигар орқали биринчи ўтиш вақтида пресистемик метаболизмга учрайди. Унинг биокираолиши тахминан 10% ни ташкил қилади ва оч қоринга қўлланилганда у тахминан 15% гача ошади. Қон плазмасидаги максимал концентрацияга 3 соат ичида эришилади. Тербуталин асосан сульфат кислотаси билан конъюгация орқали метаболизмга учрайди. Ушбу конъюгирланган метаболитларнинг биологик фаоллиги йўқ.

Гвайфенезин меъда-ичак тизимидан яхши ва тез сўрилади. Ярим чиқарилиш даври 1 соатни ташкил этади. У жигарда метаболизмга учрайди ва сийдик билан фаол бўлмаган β-(2-метоксифенокси)-сут кислотаси метаболитлар кўринишида чиқарилади.

ҚЎЛЛАШ МУМКИН БЎЛМАГАН ҲОЛАТЛАР

- тербуталин ёки гвайфенезинга, шунингдек препарат таркибидаги ҳар қандай ёрдамчи моддаларга ўта юқори сезувчанлик;

- ҳомиладорлик;

- контрацепциянинг ишончли усулларидан фойдаланмайдиган, туғиш салоҳияти сақланиб қолган аёллар;

- 6 ёшдан кичик бўлган болаларда қўллаш мумкин эмас.

НОЖЎЯ ТАЪСИРЛАРИ

Ножўя реакцияларнинг яққоллик даражаси қабул қилинган дозага боғлиқ. Кўпгина ножўя реакцияларнинг ривожланиши препаратнинг β-адренергик хусусиятларига боғлиқ бўлиши мумкин. Ушбу реакцияларнинг аксарияти даволанишнинг дастлабки 1-2 ҳафтасида ўз-ўзидан ўтиб кетади. Тавсия этилган дозаларда қўлланилганда, ножўя реакциялар кам учрайди.

ДОРИЛАРНИНГ ЎЗАРО ТАЪСИРИ

β-адренергик рецепторлари блокаторлари (шу жумладан кўз томчилари), айниқса пропранолол каби носелектив, β-агонистларининг таъсирини қисман ёки тўлиқ ингибиция қилиши мумкин. Шунинг учун Бровенсин-М селектив бўлмаган β-адреноблокаторлари билан бир вақтда қўлланилмаслиги керак. Препаратни бошқа симпатомиметик олаётган пациентларда эҳтиёткорлик билан қўллаш тавсия этилади.

β₂-агонистлари билан даволаш вақтида ингалацияланган галогенизирланган анестетикларни қўллаш юрак аритмиясини ривожланиш хавфини оширади. Бошқа галогенизирланган анестетикларни биргаликда қўллашда эҳтиёткорликка риоя қилиш тавсия этилади.

β₂-агонистларини қўллаш билан боғлиқ гипокалемия диуретиклар, ксантин ҳосилалари ва глюкокортикостероидларни бир вақтнинг ўзида қўллаш орқали кучайтирилиши мумкин. Гипокалиемия дигоксин олган пациентларда аритмия хавфини ошириши мумкин.

МАХСУС КЎРСАТМАЛАР

Тавсия этилган дозадан ошириш тавсия этилмайди. Гвайфенезинни юқори дозаларда узоқ муддат қўллаш буйрак тошларининг ҳосил бўлишига олиб келиши мумкин.

Барча β₂-агонистларида бўлгани каби, тиреотоксикози бўлган пациентларга препаратни буюришда эҳтиёткорликка риоя қилиш тавсия этилади.

Симпатомиметик дори препаратларини, шу жумладан Бровенсин-М ни қўллашда юрак-қон томир тизими томонидан ножўя реакциялар кузатилиши мумкин. Постмаркетинг тадқиқотлари ва нашр этилган адабиётларда β2-агонистларини қўллаш билан боғлиқ миокард ишемиясининг кам ҳолатлари ҳақида хабарлар мавжуд.

Бровенсин-М билан биргаликда кечадиган жиддий юрак касалликлари (масалан, ишемик юрак касаллиги, аритмия ёки яққол юрак етишмовчилиги) бўлган пациентларга юрак оғриғи ёки юрак касалликларининг ёмонлашишини кўрсатадиган бошқа симптомлар бўлса, шифокор билан маслаҳатлашиш зарурлиги ҳақида огоҳлантириш керак. Хансираш ва кўкрак қафаси оғриғи каби симптомларини баҳолашга эътибор бериш керак, чунки улар ўпка ва юрак этиологиясига эга бўлиши мумкин.

Ҳомиладорлик ва лактация даврида қўлланиши

Бола туғиш салоҳияти сақланиб қолган аёллар/туғилишни назорат қилиш (контрацепция)

Бровенсин-М насл бериш қобилиятига таъсир қилиши мумкин, шунинг учун препарат контрацепциянинг ишончли усулларидан фойдаланмайдиган аёлларда қўллаш мумкин эмас.

Ҳомиладорлик

Ҳайвонлар ва инсон тадқиқотларида тербуталиннинг тератоген таъсири аниқланмаган. Гвайфенезин ёрдамида каламушларда ҳомиланинг тирик қолиши ва ривожланишига таъсири қайд этилган. Оналари β₂-агонистлари билан даволанган чала туғилган чақалоқларда транзитор гипогликемия ҳолатлари қайд этилган. Препаратни ҳомиладорлик вақтида қўллаш мумкин эмас.

Туғруқдан кейинги даврда астма ва бошқа ўпка касалликларини бир маромда тутиб турувчи терапияси мумкин бўлган токолитик таъсирлари туфайли ичга қабул қилиш учун β₂-агонистларини қўллаш билан эҳтиёткорликни амалга оширилиши керак.

Лактация

Тербуталин она сути билан чиқарилади, аммо терапевтик дозаларда қўлланилганда янги туғилган чақалоққа таъсир этиши кам холларда. Гвайфенезин она сути билан оз миқдорда ажралиб чиқади. Эмизиш вақтида препаратни қўллаш тавсия этилмайди.