таркиби

Темир (III) гидроксидини полимальтози комплекси 100 мг

қўлланилиши

Ферсинол қуйидаги темир танқислиги ҳолатларда қўлланади:

- оғир даражадаги постгеморрагик анемия;

- катталар ва болалардаги перорал темир сақловчи препаратларни қабул қилиш самарасиз бўлганида ёки қабул қилиш мумкин бўлмаганида (шу жумладан, меъда-ичак йўлларининг касалликлари ва мальабсорбция синдроми билан хасталанган беморларда) турли генезли темир танқислиги анемиясини даволаш учун қўлланади.

Ферсинол фақат мувофиқ лаборатория текширишлари билан тасдиқланган темир танқислиги ҳолатларида юборилади.

Қўллаш усули ва дозалари

Мушак ичига чуқур юборишга мўлжалланган

Инъекцияни юборилиш техникаси ҳал қилувчи аҳамиятга эга. Препаратни нотўғри юбориш натижасида инъекция жойида оғриқ ҳисси ва терини бўялиши пайдо бўлиши мумкин. Қуйида таърифланган вентро-думбага инъекция қилиш усули умумий қабул қилинган усул (думба катта мушагининг юқори ташқи тўртбурчаги) ўрнига тавсия қилинган:

a.Игнанинг узунлиги камида 5-6 см бўлиши керак. Игнанинг сиғими ҳаддан ташқари кенг бўлиши мумкин эмас.

b.Инъекция жойи қуйидаги тарзда аниқланади (1-расм): аввал бел ёнбош боғламига тўғри келадиган А нуқта белгиланади. Агар пациент ўнг ёнбошида ётган бўлса, чап қўлнинг ўрта бармоғи А нуқтага жойланади. Кўрсаткич бармоқ ўрта бармоқдан узоқлаштирилади ва у ёнбош суягининг дўмбоқчаси яқинидаги В нуқтага қўйилади. Ўрта ва кўрсаткич бармоқларнинг проксимал фалангалари ўртасида ҳосил бўлган учбурчак инъекция жойи ҳисобланади. Зарарсизлантириш одатдаги усулда амалга оширилади (2-расм).

с.Игнани киритишдан аввал, эгри шаклидаги канал ҳосил бўлиши учун, инъекция қилинадиган соҳани устидаги тери тахминан 2 см га пастга тортилади (3-расм), бу ҳолат юборилган эритмани тери ости тўқималарига қайта оқиб чиқишига ва терининг рангини ўзгаришига йўл қўймайди.

d.Игна чаноқ-сон бўғимига нисбатан кўпроқ ёнбош дўмбоқчасига қаратилган нуқтага катта бурчак остида вертикал ҳолда жойлаштирилади (4-расм).

e.Препарат юборилганидан сўнг игна аста-секин, инъекция қилинган жойни атрофи бармоқ билан босилиб, бир минут давомида чиқариб олинади.

f.Инъекция юборилганидан сўнг пациент ҳаракатланиши керак.

1-расм

2-расм

3-расм                                    

 4-расм

Катталар учун суткалик доза – 1 ампула (100 мг) ни ташкил этади.

Болалар учун тана вазни ва ёшига қараб кичикроқ дозалар тавсия этилади.

Препарат парентерал юборилганида, темир препарати билан даволаниш даври гемоглобиннинг даражасини эътиборга олиб шифокор томонидан белгиланади.

Максимал суткалик доза:

Темирга бўлган суткалик талаб қуйидаги жадвалда берилган:

Ҳомиладорликда – суткада 27 мг. Лактация даврида – 18 ёшгача – суткада 10 мг; 18 ёшдан кейин – суткада 9 мг.

чиқарилиш шакли

Инъекция учун эритма 2мл ампулаларда №5

ФАРМАКОЛОГИК ҲУСУСИЯТЛАРИ

Антианемик препарат. Плазмада темирнинг ташилиши жигарда синтезланадиган трансферин γ-глобулини ёрдамида амалга оширилади. Уч валентли темир гемининг ҳосил бўлишида иштирок этади, бу гемоглобиннинг даражасини ошишига олиб келади. Препарат қабул қилинганида темир танқислигининг клиник (ҳолсизлик, кучли толиқиш, бош айланиши, тахикардия, тери қопламаларининг қуруқлиги) ва лаборатор симптомларининг аста-секин регрессияси юз беради. Препаратнинг таркибига кирувчи темир гемоглобиннинг бир қисми бўлиб, темир танқислиги ҳолатларида эритропоэзни рағбатлантиради. Препаратдаги темир мураккаб гидроксид полимальтоза комплекси шаклида бўлади. Бу комплекс уч валентли темир ядролари билан ҳосил бўлган, кўп сонли полимальтоза молекулалари билан ўралган марказий тўрдан ташкил топган. Ушбу комплекс прооксидант хусусиятларга эга эмас, бу ПЗЛП (паст зичликдаги липопротеидлар) ва ЖПЗЛП (жуда паст зичликдаги липопротеидлар) нинг оксидланишини пасайишига олиб келади.

Фармакокинетикаси

Мушак ичига юборилганидан сўнг лимфа тизими орқали қон оқимига тушади. Максимал концентрация (Сmах) га 24 соат кейин эришилади. Ретикулоэндотелиал тизимидан комплекс темир гидроксиди ва полимальтозага (оксидланиш йўли билан метаболизмга учрайди) парчаланади. Қон оқимида темир трансферрин билан боғланади, тўқималарда ферритин таркибида йиғилади, суяк кўмигида гемоглобинни таркибига киради ва эритропоэз жараёнида ишлатилади. Препаратнинг умумий дозасини 1% дан камроқ қисми буйраклар орқали чиқарилади.

ҚЎЛЛАШ МУМКИН БЎЛМАГАН ҲОЛАТЛАР

- ўта юқори сезувчанлик;

- темир танқислиги билан боғлиқ бўлмаган анемиялар (гемолитик, мегалобласт, В12 витаминини етишмовчилиги оқибатидаги);

- эритропоэзни бузилишлари, суяк кўмигини гипоплазияси;

- организмда темирнинг ортиқча миқдори (гемохроматоз, гемосидероз);

- темирни утилизациясини бузилиши;

- Ослер-Рандю-Вебер синдроми;

- буйракларнинг ўткир босқичдаги инфекцион касалликлари;

- назорат қилиб бўлмайдиган гиперпаратиреоз;

- жигарнинг декомпенсацияланган циррози;

- ҳомиладорлик (I уч ойлиги);

- инфекцион гепатит (чунки препарат ретикуло-эндотелиал тизимда тўпланади).

ДОРИЛАРНИНГ ЎЗАРО ТАЪСИРИ

Ангиотензинга айлантирувчи фермент (ААФ) ингибиторлари тизимли самараларини кучайтиради. Перорал темир сақловчи препаратлар билан бир вақтда қўллаш мумкин эмас (меъда-ичак йўлларидан темирни сўрилиши камаяди), шунинг учун темир сақловчи перорал препаратлар билан даволашни охирги инъекциядан сўнг камида 1 ҳафтадан кейин бошлаш керак.

МАХСУС КЎРСАТМАЛАР

Мушак ичига юборилганида, пациентда ўта юқори сезувчанлик чақирган анафилактик реакциялар ривожланиши мумкин. Шундай қилиб, парентерал юбориладиган темир билан даволаш, фақат ичга қабул қилиш билан даволаш етарли ва/ёки мумкин бўлмаган пациентларда қўлланиши керак.

Қўллаш олдидан сезувчанликка синама ўтказиш мақсадга мувофиқдир